Այսօր ստացել ենք Ազատ գյուղի զինվորական կացարանում զոհված 15 զինծառայողներից 8-ի դիակների դատաբժշկական փորձաքննության եզրակացությունները։
Այս մասին ֆեյսբուքյան իր էջում գրել է Ազատ գյուղի զորանոցի հրդեհից զոհված զինծառայողների ծնողների ներկայացուցիչ Նորայր Նորիկյանը:
«Ըստ փորձաքննության եզրակացության հետևությունների՝ զինծառայողների մահը վրա է հասել “Ածխածնի մոնօքսիդով /Շմոլ գազ/ և այրվածքային շոկից”։
Փորձաքննության ենթարկված 8 զոհված զինծառայողների մոտ թմրանյութեր և հոգեմետ նյութեր չեն հայտնաբերվել։
Զոհված զինծառայողների ծնողների հետ հանդիպումից և եզրակացությունների մանրակրկիտ ուսումնասիրությունից հետո հնարավորինս սեղմ ժամկետում հանդես կգանք հայտարարությամբ ու կներկայացնենք տուժող կողմի դիրքորոշումներն ու անելիքները»,- գրել է Նորիկյանը:
