Սաֆին. Եթե Ֆեդերերն ու Նադալը դեռ բոլորին հաղթում են, ուրեմն թենիսում խնդիրներ կան
Նմանատիպ
Աշխարհի նախկին առաջին ռակետ Մարատ Սաֆինը խոսել է տղամարդկանց թենիսի ներկայի մասին: Ռուս նախկին մարզիկը կարծում է` աննորմալ է, որ Ռաֆայել Նադալն ու Ռոջեր Ֆեդերերը շարունակում են լավագույնները մնալ:
«Եթե Ֆեդերերն ու Նադալը մինչ օրս բոլորին հաղթում են, ուրեմն թենիսում խնդիրներ կան: Ապագա սուպերաստղերի չեմ տեսնում: Չեմ ասում, թե իմ ժամանակներում թենիսն ավելի բարձր մակարդակի էր, բայց այն ժամանակ մարդիկ ATP-ի մրցաշարեր էին հաղթում 18, 17 և նույնիսկ 16 տարեկանում: Հիմա որոշ թենիսիստներ 25 տարեկանում նոր սկսում են բարձրակարգ խաղ ցուցադրել: Չգիտեմ, թե դա ինչով է պայմանավորված:
Նախկինում կարիերաներն ավարտում էին 30 տարեկանում, իսկ 32 տարեկան թենիսիստն արդեն դինոզավր էր համարվում: Եթե 38 տարեկանում շարունակում ես վազել և նույնիսկ աշխարհի առաջին թենիսիստն ես, ուրեմն մյուս խաղացողների հետ ինչ-որ բան այն չէ:
Ներկայիս թենիսիստները բարձրակարգ համարվելու համար պետք է հիմա սկսեն պարտության մատնել Նադալին ու Ֆեդերերին: Մարեյն ու Ջոկովիչն արդեն 19-20 տարեկանում հաղթում էին թոփ-10-ի ներկայացուցիչներին: Ներկայիս երիտասարդները չեն կարողանում»,- Սաֆինի խոսքերն է մեջբերում «The Independent»-ը:
Հետևեք մեզ նաև Telegram-ում